Om veka
Rollespel heile veka
D&December er sju dagar med rollespel, brettspel og eventyr i Nordfjordeid, frå 30. november til 6. desember. Kvar dag har sitt eige opplegg: miniatyrmåling, pubspel for vaksne, den første kvelden i Voktarane av Varden, rollespel og bokklubb for born, nybyrjarspel i Dungeons & Dragons for ungdom, eit eventyr på tvers av heile Nordfjordeid og ein Vardekveld med premieutdeling til slutt.
Alt er gratis. Nokre dagar treng vi påmelding for å vite kor mange spelleiarar vi treng, andre dagar er det berre å møte opp. Du treng ikkje ha spelt før, og du treng ikkje vere medlem.
Midt i den mørkaste tida av året vil vi tenne lys: ein stad der born, unge og vaksne finn kvarandre rundt eit bord og skaper ei historie saman.
Første utgåve av ein årleg tradisjon
Dette er den aller første D&December. Vi vil byggje veka vidare år for år, saman med deltakarane, dei frivillige og samarbeidspartnarane våre.
Kvar dag sel vi årets D&December-buff. Heile salet går til veldedigheit.
Program
Dag for dag
Trykk på ein dag for å sjå tid, stad, kven det passar for og korleis du blir med.
Takk til
Samarbeidspartnarar
D&December blir til saman med lokale bedrifter og samarbeidspartnarar. Hald over eller trykk på eit kort for å sjå kva dei bidreg med.
I samarbeid med
- Stad kommune
- Stad bibliotek Nordfjordeid
- Eid Frivilligsentral
Frivillig
Vil du hjelpe til?
Vi treng spelleiarar, folk til rigging og baking, og nokon som kan ta bilete. Kanskje vil du stå på ein post i Nordfjordeid-spelet, lese høgt for dei minste eller hjelpe til på miniatyrmålinga?
Alle som leier aktivitetar for born og unge under 18 år, leverer politiattest på førehand.
Ta kontakt
Send ein e-post til espen@vardestad.no eller ta kontakt på Discord, så finn vi ein plass til deg.



